«Barselona» hujumchisi Ferran Torres va Madridning «Atletiko» klubi himoyachisi Stefan Savich Ispaniya chempionatining 16-turi doirasidagi o'yin vaqtida janjallashgani uchun ikki o'yinga diskvalifikatsiya qilindi. Bu haqda "Marca" xabar bermoqda.O'yin 8 yanvar kuni bo'lib o'tdi va «Barselona»ning 1:0 hisobidagi g'alabasi bilan yakunlandi.Ikkinchi bo'limga qo'shib berilgan vaqtda Torres va Savich o'rtasida janjal kelib chiqdi. Ular maydon markazida to'p uchun kurashishdi va bir-birining ustiga yiqilishdi. Futbolchilar o'rnidan turayotgan paytda Torres raqibining sochidan, Savich esa tomog'idan ushlab oldi. Natijada hakam uchrashuvni to'xtatdi va ikkala futbolchiga qizil kartochka ko'rsatdi.Shu tariqa, Torres «Xetafe» va «Jirona» bilan o'yinlarni o'tkazib yuboradi, Savich esa «Almeriya» va «Valyadolid»ga qarshi o'yinlarda jamoasiga yordam bera olmaydi.

The gloves are off!! ????Ferran Torres and Stefan Savic are both sent off for this little scrap... ????#AtletiBarça pic.twitter.com/Po8DLGLnT0

— LaLigaTV (@LaLigaTV) January 8, 2023