"Men uchun u kiyinish xonasi uchun juda muhim, jamoa uchun ajoyib futbolchi. Fidoyilik, etakchilik namunasi. U bebaho. Futbol nuqtai nazaridan u tarkibimizni muvozanatli qiladi, maydondagi safdoshlarini mohirlik bilan boshqaradi va o'yinda ishtirok eta olmasa, darrov ko'zga tashlanadi. U bilan va usiz o'yinlarda jamoa butunlay boshqacha natijalarni ko'rsatmoqda", – dedi Xavi.

Oldinroq ispaniyalik xavbek faoliyatini MLS'da davom ettirishi mumkinligi haqida xabarlar tarqalgandi.

Busketsning "Barselona" bilan amaldagi bitimi 2023 yilning yoziga qadar mo'ljallangan.

34 yoshli yarim himoyachi joriy mavsum Kataloniya klubi safida barcha turnirlar doirasida 19 ta o'yinda maydonga tushib, 1 ta golli uzatmani amalga oshirdi.