"Chelsi" hujumchisi Per-Emerik Obameyang bu mavsumda "Barselona"ga qaytmaydi.

Mundo Deportivo Ispaniya Qirollik futbol federatsiyasining reglamentiga tayanib, kataloniyaliklar bir futbolchini mavsumda ikkinchi marta ro'yxatdan o'tkazish huquqiga ega emasligini ta'kidlamoqda. Agar gabonlik "Chelsi"ga ijaraga berilganida bu amalga oshishi mumkin edi, ammo u "Chelsi"ning to'laqonli futbolchisiga aylandi.

Ushbu cheklovlar 130 va 141.5-moddalarda ko'rsatilgan. Ular fors-major holatlari yoki maxsus qoidalar mavjud bo'lgan taqdirda qayta ro'yxatdan o'tishga ruxsat beradi.