"Barselona" va Ispaniya terma jamoasining sobiq yarim himoyachisi Andres Inesta Kataloniya klubida o'tkazgan vaqtlari haqidagi xotiralari bilan o'rtoqlashdi va "ko'k-anorranglilar" safiga qaytishi mumkinligi haqida gapirdi.

"Barselona"da men dunyodagi eng baxtli odam edim. Agar meni u erga qaytishim nasib qilsa, hammasi boshqacha bo'ladi. Vaziyat men futbolchi bo'lganimdan farq qiladi. Ko'ramiz, kelajakda bizni nima kutmoqda", - dedi Inesta The Athletic bilan suhbatda.

Inesta "Barselona" tarbiyalanuvchisi bo'lib, ispaniyalik futbolchi 2002 yildan 2018 yilgacha klubning asosiy jamoasida o'ynagan. Yarim himoyachi kataloniyaliklar safida jami 674 ta o'yin o'tkazib, 57 ta gol urgan va 138 ta golli uzatmani amalga oshirgan. Inesta "Barselona" bilan 30 ta sovrin yutgan.