"Real Madrid" bosh murabbiyi Karlo Anchelotti Ispaniya Superkubogi uchun "Barselona"ga qarshi o'yin oldidan o'z fikrlarini bildirib o'tdi.

“Barcha sovrinlar muhim, chunki ular ishonch bag'ishlaydi va qulay muhit yaratadi. Jamoa diqqat markazida, hech qanday muammo yo'q, chunki biz jiddiy bosimga o'rganib qolganmiz. Biz o'z qobiliyatimizga ishonamiz", - deya Anchelotti so'zlarini keltiradi Mundo Deportivo nashri.

Murabbiyning so'zlariga ko'ra, "Barselona" ustidan g'alaba uchun kurashda shiddatlilik asosiy omil emas, butun uchrashuvni yuqori saviyada o'tkazish kerak.

"Real Madrid" va "Barselona" o'rtasidagi uchrashuv 15 yanvar kuni bo'lib o'tadi.