"Barselona" sport direktori Mateu Alemani va bosh murabbiy Xavi "Atletiko" vingeri Yannik Karrasko transferiga qarshi emas. Avvalroq ispan OAVda Karrasko "Barsa" hujumchisi Memfis Depay transferiga qo'shilishi mumkinligi xabar qilingandi.

29 yoshli belgiyalik futbolchining "Atletiko" bilan shartnomasi 2024 yilning yoziga qadar mo'ljallangan. U joriy mavsum Diego Simeone jamoasi safida 23 ta o'yinda maydonga tushib, 4 ta gol urdi va 2 ta golli uzatmani amalga oshirdi. Transfermarkt Karraskoni 30 million evroga baholamoqda.