«Barselona» hujumchisi Memfis Depay Ispaniya kubogi doirasida "Sueta" klubiga qarshi o'yin arafasida jamoa safida mashg'ulotda ishtirok etmadi. Niderlandiyalik futbolchining bunday xatti-harakati bosh murabbiy Xavi va klub xodimlarini hayron qoldirdi. Depay yanvar oyida "Barsa"ni tark etib, boshqa jamoaga o'tishni istamoqda. Boisi, Levandovski "Kamp Nou"ga kelgach, Memfis o'yin amaliyotiga ega bo'lmayapti. Eslatib o'tamiz, Depayning «Barselona» bilan shartnomasi joriy mavsum so'ngida yakuniga etadi. U «Atletiko» bilan kelishuvga erishib bo'lgan. Kataloniyaliklar ayni paytda uni bepul qo'yib yuborishni istashmayapti.