"Barselona" bosh murabbiyi Xavi Memfis Depay jamoadan ketganidan keyin klubga yangi hujumchi izlash kerakmi degan savolga javob berdi.

"Jamoada yangi futbolchilar paydo bo'ladimi yoki yo'qmi, bilmayman, lekin Memfis Depay ketganidan so'ng, menimcha, hujumchi bilan shartnoma imzolash kerak. Ko'ramiz, buning iloji bormi, menimcha, hammasi yaxshi bo'ladi", - deya Xavining so'zlarini keltiradi Goal.

Bugun, 20 yanvar kuni Depay "Atletiko Madrid" bilan 2,5 yillik shartnoma imzolagani ma'lum bo'ldi. Joriy mavsumda hujumchi "Barselona" safida barcha musobaqalarda bor yo'g'i 4ta o'yin o'tkazib, bitta gol urgan.