"Flamengo"ning o'ng qanot himoyachisi Uesli faoliyatini Ispaniya chempionatida davom ettirishi mumkin.

Globo Esporte xabariga ko'ra, "Barselona" Braziliya klubi bilan 19 yoshli futbolchini ijaraga olish borasida muzokaralar olib bormoqda.

Rejaga ko'ra, Uesli bir yil davomida "Barselona B"da o'ynaydi, shundan so'ng kataloniyaliklar uni belgilangan summaga sotib olish imkoniga ega bo'lishadi.

"Flamengo" himoyachiga 70 foiz huquqlarga egalik qiladi, uning shartnomasi 2025 yilning dekabrigacha amal qiladi.