Mundo Deportivo xabariga ko'ra, "Real Sosedad" yarim himoyachisi Martin Subimendi "Barselona" taklifini rad etdi.

Avvalroq OAVda Kataloniya klubi Serxio Buskets o'rniga 23 yoshli yarim himoyachini sotib olmoqchiligi haqida ma'lumotlar paydo bo'lgandi.

Manbaning xabariga ko'ra, futbolchi faoliyatini Ispaniya chempionatidan tashqarida davom ettirmoqchi.

Shuningdek, "Arsenal" ispaniyalik futbolchi uchun 60 million evro taklif qilgani, biroq futbolchi transferdan bosh tortgani xabar qilingandi. Futbolchi mavsumni ispan klubida yakunlash niyatida.

Subimendi "Real Sosedad" tarbiyalanuvchisi hisoblanadi. Joriy mavsumda u jamoa safida barcha musobaqalarda 27 ta o'yinda maydonga tushib, 1 ta gol urdi va 3 ta golli uzatmani amalga oshirdi.

Transfermarkt portaliga ko'ra, futbolchining narxi 40 million evroga baholanmoqda.