"Barselona" hujumchisi Usmon Dembele klubda yana uzoq yillar qolish niyatida, deb xabar beradi Diario Sport.

Manbaga ko'ra, futbolchi ispan klubi bilan shartnomani uzaytirish niyatida va "Barselona" bilan rivojlanishda davom etishni maqsad qilgan. Qayd etilishicha, Dembele "Barselona"dagi hayotdan va oxirgi paytlarda erishgan yutuqlaridan juda mamnun. U baxtli va yana ko'p yillarini klubda o'tkazmoqchi.

25 yoshli frantsiyalik futbolchi 2017 yilning avgustida "Barselona"ga o'tgandi. Joriy mavsumda u ispan klubi safida 27 ta o'yinda maydonga tushib, 8 ta gol urdi va 7 ta golli uzatmani amalga oshirdi. Uning shartnomasi 2024 yilning iyunida yakuniga etadi.