"Barselona" va Braziliya terma jamoasining afsonaviy hujumchisi Rivaldo "ko'k-anorranglilar" Vitor Roke borasida biroz shoshilinch qaror qabul qilganini aytdi.

"Vitor Roke - kelajagi bor yosh futbolchi, lekin "Barca" uni yanvarda olib kelib xatoga yo'l qo'ydi. "Barcelona" "Real Madrid" o'z iqtidorlari bilan shug'ullanganidek ish qilishi kerak edi, Rokeni bir muddat o'z klubida qoldirishi kerak edi", - deya Rivaldo so'zlarini keltirgan Marca.

Eslatib o'tamiz, "Barsa" 18 yoshli braziliyalikni 40 million evroga "Atletiko Paranaense"dan sotib oldi.