“Barselona” hujumchisi Luis Suares MLS (Major League Soccer) haqida gapirib o'tdi.
“Kelajakda nima bo'lishini oldindan hech kim aytib berolmaydi. Ayni paytda “Barselona” bilan shartnomaga egaman va bu klubda baxtliman. Albatta, MLS bu o'ziga xos ajoyib chempionat.
Bu liga so'nggi yillarda katta o'sishga erishdi. Ayniqsa, oxirigi ikki mavsumda bir qator yosh iqtidorli yulduzlar paydo bo'ldi. Xususan, janubiy amerikalik. Bu shuni ko'rsatadiki, ushbu birinchilik yildan yilga saviya jihatdan o'sib bormoqda. Bu chempionatda faqat faoliyatini tugatish arafasida turgan yulduzlar jalb etilayotgani yo'q. Jamoalar turli yoshdagi iqtidor egalarini o'z saflariga chorlashmoqdaki, bu barchada qiziqish uyg'otmoqda.
Men ancha yillardan buyon yuqori darajadagi klublarda to'p tepib kelayapman va bu borada omadim chopgan. SHu sabab kelgusida o'zim va oilam uchun qulay bo'lgan variant borasida qayg'uraman. Biz birgalikda qaror qabul qilamiz. AQSH- bu men uchun ajoyib imkoniyat”, deydi Suares.