"Barselona" rasmiy saytida Usmon Dembelening tibbiy xulosasi natijalari e'lon qilindi.

Tibbiy ko'riklar davomida 25 yoshli frantsiyalik futbolchining chap son mushagi shikastlangani aniqlandi. Yaqin orada Dembele o'yinlarda ishtirok eta olmaydi. Qanot yarim himoyachisini tiklash muddati keyinroq aniqlanadi.

Usmon Dembele joriy mavsumda “Barselona” safida barcha musobaqalarda 28 ta o'yinda maydonga tushdi. Futbolchi sakkizta gol urdi va ettita golli uzatmani amalga oshirdi.

"Barselona" 18 o'yinda 47 ochko to'plagan va Ispaniya La Ligasining 2022/2023 yilgi mavsumi turnir jadvalida birinchi o'rinda bormoqda.