31 yanvar kuni Evropaning kuchli ettilik chempionatlarida qishki transfer oynasi yopiladi. Bozorda deyarli yuqori darajadagi bitimlar bo'lmadi, ammo oxirgi kunlar va soatlarda ko'p narsa o'zgarishi mumkin. Mana, amalga oshishi kutilayotgan 7 transferni e'tiboringgizga havola qilamiz. Ular qatorida yurtdoshimiz ham bor.

Moises Kaysedo, yarim himoyachi, "Brayton" → "Arsenal"

Transfer narxi: 38 million evro

Ekvadorlik futbolchi "Arsenal"ga o'tmoqchi. 21 yoshli yarim himoyachi "Liverpul" bilan kubok bahsi oldidan "Brayton" mashg'ulotlarini o'tkazib yubordi va londonliklardan yaxshilangan taklifni kutmoqda. “Kaysedo mashg'ulotlarga kelmadi u darhol ketmoqchi. 60 million funt e'lon qilinganidan keyin "Arsenal" o'z taklifini yaxshilashi kutilmoqda."Chelsi" 55 million funt taklif qilgan, ammo rad etilgan", - deb yozadi insayder Fabritsio Romano. Futbolchining o'zi klubni tark etish istagini bildirgan bayonotni ham e'lon qilib ulgurgan.

Milan Shkrinyar, himoyachi, “Inter” → “PSJ”

Transfer narxi: 60 million evro

Slovakiyalikning "Inter" bilan shartnomasi 2023 yilning yozida tugaydi va "PSJ" himoyachi bilan hoziroq shartnoma imzolamoqchi. Sky Sport Germany jurnalisti Florian Plettenberg xabariga ko'ra, parijliklar zudlik bilan transfer uchun 15 million evro taklif qilmoqchi. Shkrinyarning o'zi "PSJ"ga o'tishga rozi bo'lgan, u bilan og'zaki kelishuvga erishilgan. Frantsiya klubi prezidenti Nosir Al-Xelayfi “Inter”ning asosiy himoyachisi transferi bo'yicha muzokaralar jarayonini shaxsan o'zi nazorat qilmoqda. Parijliklar besh yarim yil ichida Italiyada chempion bo'lgan, mamlakat kubogi va ikki marta Superkubokni qo'lga kiritgan Milanning transferidan katta mablag' tejamoqchi.

Malkom, hujumchi, “Zenit” → “PSJ”

Transfer narxi: 24 mln evro

Braziliyalik futbolchi yana Lionel Messi bilan uchrashishi mumkin. Frantsiyaning L'Equipe nashri xabariga ko'ra, “PSJ” Malkomni sotib olish opsiyasi bilan ijaraga olmoqchi. Manbaga ko'ra, frantsuz klubi sport direktori Luis Kampos "Lion" bilan Rayan Cherkining transferi bo'yicha muzokaralar bilan parallel ravishda hujumchi shartnomasi bo'yicha muzokaralar olib bormoqda. Parijliklar “Zenit”ga taklif ustida ishlamoqda. Braziliyalik futbolchi “Zenit” safida 98 ta o'yin o'tkazib, 31 ta gol urdi va 22 ta golli uzatmani amalga oshirdi.

Ueston Makkenni, yarim himoyachi, "Yuventus" → "Lids"

Transfer narxi: 21 million evro

"Lids" amerikalikni 25 million evroga sotib olish imkoniyati bilan ijaraga olmoqchi, deb yozadi jurnalist Nikolo Shkira. Mish-mishlarga qaramasdan, "Yuventus" 24 yoshli futbolchini bonuslar bilan 30 million evroga sotib olish taklifini olmagan. "Lids" Uestonga 2027 yilgacha bo'lgan shartnoma taklif qildi, bonuslarni hisobga olmaganda yiliga 3,7 million evro maosh. Yarim himoyachi ingliz klubiga o'tishga rozi bo'ldi. Bir yarim yil ichida Makkenni “Yuventus” safida 96 ta o'yin o'tkazdi. Uning italyan grandi bilan shartnomasi 2025 yilning yoziga qadar mo'ljallangan.

Eldor Shomurodov, hujumchi, “Roma” → “Spetsiya”

Transfer narxi: 7 million evro

Joriy mavsumda "Bunyodkor"ning sobiq hujumchisi deyarli o'ynamadi: 151 daqiqa va barcha turnirlarda sakkizta o'yinda bitta gol. Nikolo Shkiraning fikricha, endi Shomurodovning “Spetsiya”ga o'tishi yakuniy bosqichda. Hujumchiga “Torino”, “Lill”, “Bayer” klublari ham qiziqish bildirishgan, biroq u “Roma”ga o'tgunga qadar “Jenoa”da o'ynagan Italiyada qoladiganga o'xshaydi. O'zbekiston terma jamoasi futbolchisi ilk mavsumidayoq 31 ta o'yinda 8 ta gol urdi va bu Rim klubi e'tiborini tortgan edi.

Entso Fernandes, yarim himoyachi, “Benfika” → “Chelsi”

Transfer narxi: 55 mln evro

Argentinalik bu qishda eng ko'p muhokama qilinadigan o'yinchilaridan biri bo'ldi. "Chelsi" Fernandes tranferida ishlashda davom etmoqda va so'nggi ma'lumotlarga ko'ra, 2022 yilgi jahon chempioni evaziga "Benfika"ga 100 million evro va Hakim Zieshni taklif qiladi. CBS Sports jurnalisti Ben Jeykobsning xabar berishicha, londonliklar talab qilingan pulni to'lamoqchi emas.

Hakim Ziesh, yarim himoyachi, “Chelsi” → “Benfika”/”Barselona”/”Milan”

Transfer narxi: 20 million evro

"Chelsi" marokashlikdan qutulishga harakat qilmoqda. Britaniyaliklar Hakim Zieshni nafaqat "Benfika" bilan, balki "Barselona" bilan ham kelishuvga qo'shishga harakat qilmoqda (Frank Kessie evaziga). Qolaversa, “Milan” futbolchiga ko'z tikkan, ammo uning yiliga 6,5 million evro miqdoridagi yuqori maoshi joriy mavsum oxirigacha transferga, jumladan, ijaraga ham to'sqinlik qilishi mumkin. Biroq, "Chelsi" marokashlik bilan "Roma" Nikolo Zaniolo uchun "Milan"dan talab qilayotganidan ancha kichikroq pul evaziga xayrlashishga tayyor. 2022/2023 yilgi mavsumda Hakim Ziesh 15 ta o'yin o'tkazib, 1 ta golli uzatmani amalga oshirdi.