"Barselona" bosh murabbiyi Xavi himoyachi Ektor Belerin jamoani tark etish niyatida ekanligini tasdiqladi.

“Biz klub va futbolchilar o'rtasidagi halollikni qadrlaymiz. Ektor bizdan uni boshqa jamoaga qo'yib yuborishimizni so'radi, chunki u ko'proq o'ynashni xohlaydi. Biz unga "Barselona"da o'tkazgan vaqti uchun minnatdorchilik bildiramiz", - deya Xavi so'zlarini keltiradi Marca.

Oldinroq "Sporting" 27 yoshli ispaniyalikni mavsum oxirigacha ijaraga olishi haqida xabarlar tarqalgan edi.

2022 yilning sentyabrida Belerin "Barselona" bilan bir yillik shartnoma imzoladi. Transfermarkt portali futbolchining narxini 15 million evroga baholamoqda.

Joriy mavsumda ispaniyalik barcha musobaqalarda kataloniyaliklar uchun 7 ta o'yin o'tkazdi.