«PSJ» va Argentina terma jamoasi hujumchisi Lionel Messi o'zining mashhurligi va oddiy odamdek yashash istagi haqida gapirdi.

«Men hozir dunyoning «1-raqamli qahramoni» ekanligimni his qilib turibman. Biroq har doim oddiy odam bo'lishga harakat qilganman. Eng qiyini — har kuni inson bo'lib qolish. Oddiy odamdek yashang, hayotdagi kichik narsalar, oilangiz, farzandlaringizdan zavqlana biling.

Mashhur bo'lish va e'tirof etilish uchun hech narsa qilganim yo'q. Men har doim o'zim bo'lishga va odatdagidek yashashga harakat qilganman.

Menimcha, men kabi oilam ham oddiy kishilardan iborat. Ha, ular meni taniydilar, dastxat, surat so'rashlari mumkin, lekin men doim oddiy odamdek yashashga harakat qilaman», - deya Messining so'zlarini keltiradi Ole.