"Barselona" himoyachisi Alexandro Balde hujumchi Robert Levandovski bilan maydonda qanday munosabatda bo'lishi haqida gapirdi. Eslatib o'tamiz, polshalik hujumchi 14 ta gol bilan Ispaniya chempionatining eng yaxshi to'purari hisoblanadi.

"To'pni egallab olgan paytimda doimo Levandovskini topishga harakat qilaman. Mening tezligim Robertni kerakli bo'shliqdan topishga imkon beradi, shunda u darvozaga zarba bera oladi", - dedi Balde Mundo Deportivo bilan suhbatda.

Eslatib o'tamiz, Levandovski "Barselona"ga joriy mavsum boshlanishidan oldin "Bavariya"dan taxminan 50 million evro evaziga o'tgan edi. Balde La Ligada to'rtta golli uzatmani amalga oshirishga muvaffaq bo'ldi.