"Barselona" hujumchisi Ansu Fatiga Angliya Premer-ligasining top-klublari qiziqish bildirmoqda.

Yaqinda "ko'k-anorranglilar" bosh murabbiyi Xavi Ernandes Fati uning ketishi haqidagi mish-mishlarga javob berib, sotilmasligini aytgandi. 20 yoshli futbolchi bilan xayrlashishni istamaganiga qaramay, foydali taklif Kataloniya grandini o'z pozitsiyasini o'zgartirishga majbur qilishi mumkin.

Jurnalist Ben Jeykobsning yozishicha, “Liverpul”, “Manchester Yunayted” va “Arsenal” klublari allaqachon yosh hujumchining atrofidagilar bilan bog'lanishgan, biroq hozircha “Barselona” bilan hozircha bog'lanishmagan. Potentsial transfer narxi 100 million evrodan oshiqroq baholanmoqda.

Transfermarkt Ansu Fatini 50 mln evroga baholamoqda.