Kataloniyaning “Barselona” klubi bosh murabbiyi Xavi Ernandes Evropa ligasining kechagi 1/16 final uchrashuvida to'p "MYu" yarim himoyachisi Fredning qo'liga tekkan epizod haqida gapirdi.

"O'sha epizodda yaqqol 11 metrlik bor edi. Final hushtagi yangragach, hakamning oldiga borib, bu haqda gapirdim. Bu mening fikrim, lekin bu hech narsani o'zgartirmaydi. "Barselona" g'alaba qozonishga intildi va uchrashuv yakunida yaxshi imkoniyatga ega bo'ldi", - dedi Xavi Marca bilan suhbatda.

Barselonadagi “Kamp Nou” stadionida kechgan jang 2:2 hisobidagi durang bilan yakunlandi. Javob o'yini 23 fevral kuni Manchesterda, "Old Trafford"da bo'lib o'tadi.