«Barselona» bosh murabbiyi Xavi Evropa ligasi 1/16 final bosqichi doirasida bo'lib o'tadigan «Manchester Yunayted»ga qarshi bo'ladigan javob uchrashuvi oldidan o'z fikrlarini bildirib o'tdi.«Qo'rquv? Nimadan qo'rquv? Aksincha, «Old Trafford» bizga motivatsiya beradi. Bu shunday stadionki, unda hech bo'lmasa hayotingda bir marta o'ynashni istaysan. Bu o'yingohda futbolchilar borini berib o'ynashi kerak.«Barsa» hech qanday qo'rquvlarsiz maydonga chiqib, dadil harakat qilishi kerak. Bu ham «Bernabeu»dek gap. Bizga dadillik kerak. Buyuk jamoa bo'lish uchun bunday stadionlarda g'alaba qozonishni bilish shart. Biz esa buyuk jamoa bo'lishni istaymiz. Men o'yinga shunday yondoshyapman», – dedi «Barselona» ustozi.Eslatib o'tamiz, "Kamp Nou"da bo'lib o'tgan dastlabki o'yinda 2:2 hisobi qayd etilgandi. Javob uchrashuvi 23 fevral kuni bo'lib o'tadi.