"Manchester Yunayted" bosh murabbiyi Erik ten Xag "Barselona"ga qarshi Evropa ligasi pley-offi javob uchrashuvi oldidan fikr bildirdi.

"Raqibing "Barselona" bo'lsa, g'alaba qozonish uchun o'zingning eng yaxshi futbolingni ko'rsatishing kerak, aks holda imkoniyating qolmaydi. Biz oldinga borishni xohlaymiz, shuning uchun biz eng yaxshi o'yinni namoyish qilishimiz kerak", - dedi ten Xag "qizil iblislar" matbuot xizmatiga.

"Barselona" va "Manchester Yunayted" o'rtasidagi birinchi o'yin 2:2 hisobidagi durang bilan yakunlangan edi. Javob o'yini ertaga, 23 fevral kuni tunda "Manchester Yunayted" uy arenasida bo'lib o'tadi.