"Inter" bosh murabbiyi Simone Indzagi jamoasining Chempionlar ligasining joriy mavsumidagi imkoniyatlari haqida gapirdi.

"O'tgan mavsumda ikkita bo'lajak finalchi bilan yaxshi o'ynadik. Joriy mavsumda “Bavariya” va “Barselona” bilan uchrashdik. Chempionlar ligasida g'alaba qozona olamizmi? Ha" - dedi Indzagi Football Italia bilan suhbatda.

Eslatib o'tamiz, "Inter"ning 1/8 finaldagi raqibi "Portu" bo'ladi. Birinchi o'yin bugun, 22 fevral kuni bo'lib o'tadi. Uchrashuv Toshkent vaqti bilan 01:00 da boshlanadi. Guruh bosqichida "neradzurrilar" "Bavariya", "Barselona" va "Viktoriya Plzen" bilan bir guruhdan joy olgandi va ikkinchi o'rinni egallagandi.