"Barselona" yarim himoyachisi Serxio Buskets Evropa ligasi doirasida "Manchester Yunayted"dan qabul qilib (1:2) olingan mag'lubiyat haqida gapirdi.

"Biz La Ligada yaxshi o'ynayapmiz, lekin Evropada bizga biroz omad etishmayapti. Biz hamma narsani yutish uchun harakat qilishimiz kerak. Biz to'g'ri yo'ldamiz va ishonchim komilki, bu mag'lubiyat jamoaga ta'sir qilmaydi. Chempionlar ligasi va Evropa ligasidan chiqib ketishimiz boshqacha. Chempionlar ligasida aql bovar qilmaydigan ko'plab voqealar sodir bo'ldi. Ba'zi o'yinlarda biz unchalik yaxshi bo'lmadik. Bugun hammasi boshqacha edi. Biz APLning eng yaxshi jamoalaridan biri bilan tengma-teng o'ynadik. Mag'lubiyatlar sodir bo'lib turadi", - dedi Buskets Movistar bilan suhbatda.

Kataloniya jamoasi turnirning 1/8 finaliga chiqa olmasdan Evropa ligasini tark etdi.

Ispaniya chempionatida "Barselona" 22 o'yinda 59 ochko bilan turnir jadvalida peshqadamlik qilmoqda.