"Manchester Yunayted" bosh murabbiyi Erik ten Xag Evropa ligasi 1/16 final javob o'yinida "Barselona" ustidan qozonilgan g'alaba haqida gapirdi.

"Mankunianliklar" 2:1 hisobida g'alaba qozonib, turnirning keyingi bosqichiga yo'l olishdi.

"Agar siz "Barselona"ni mag'lub etsangiz, boshqa jamoalarni ham mag'lub eta olasiz. Bunday g'alabalardan keyin o'z kuchiga bo'lgan ishonch yanada kuchayadi. Biz juda kuchli klubga qarshi o'yinda muvaffaqiyat qozondik. "Manchester Yunayted" har qanday yaxshi jamoani mag'lub etish imkoniyatiga ega", - dedi niderlandiyalik murabbiy Guardian nashriga.

“Qizil iblislar”ning raqibi bugun, 24 fevral kuni bo'lib o'tadigan qur'a tashlash marosimida aniqlanadi.