«Barselona» hujumchisi Robert Levandovski «Manchester Yunayted»ga qarshi Evropa ligasi 1/16 final javob o'yinida (1:2) gol urdi.

Polshalik hujumchi uchun bu gol mavsumdagi 25-aniq zarba bo'ldi, endi ispan klubi «Bavariya»ga 1,25 million evro to'lashi kerak.

Bu shart 2022 yilning yozida Levandovski transferini amalga oshirishda jamoalar o'rtasida belgilangan edi.

«Barselona» Levandovski 25 tadan ortiq gol urgan har bir mavsum uchun 1,25 million evro to'lashi ma'lum qilingandi. Ko'pi bilan to'rtta shunday mavsum bo'lishi mumkin, mos ravishda «Bavariya» transfer uchun 45 million evrodan tashqari qo'shimcha 5 million evro olishi mumkin.