"Barselona" bosh murabbiyi Xavi Ernandes o'z futbolchilarini kecha Ispaniya chempionatida "Valensiya" ustidan qozonilgan g'alaba uchun mukofotladi.

Eslatib o'tamiz, "ko'k-anorranglilar" o'z maydonida "ko'rshapalaklar"ni mag'lub etishdi va shu tariqa La Ligada "Real"dan ochkolar farqini 9taga etkazdi.

AS nashri xabariga ko'ra, endi "Barselona" futbolchilari mukofot sifatida ikki kun dam olishadi.

"Valensiya" ustidan qozonilgan g'alabaga birinchi bo'limda Rafinya Dias tomonidan kiritilgan gol evaziga erishildi. Shu bilan birga, "Barselona" himoyachi Ronald Arauxoning chetlatilishi tufayli ikkinchi bo'limning katta qismida bir kishi kam bo'lib o'ynadi.