"Barselona" vingeri Rafinya Dias kechagi "Valensiya"ga qarshi o'yindagi penaltini nima uchun Ansu Fati emas, Ferran Torres tepganini tushuntirdi. Eslatib o'tamiz, Torres 55-daqiqada penaltini golga aylantira olmadi.

"O'yindan oldin penaltini kim tepishini aniq belgilab olgandik. Ansu zarba bermoqchi bo'lganini va imkoniyatni qo'lga kirita olmay hafsalasi pir bo'lganini tushunaman, biroq hammasi o'yin boshlanishidan oldin hal bo'ldi" - dedi Rafinya.

"Barselona" kecha "Valensiya"ni minimal 1:0 hisobida mag'lub etishga muvaffaq bo'ldi. Aynan Rafinya 15-daqiqada boshi bilan gol urdi.