"Barselona" va Negreyra ishi bilan bog'liq vaziyat tobora jiddiylashib bormoqda. Xo'sh, klubning aybi sudda isbotlansa, jamoaga nisbatan qanday jazo qo'llanilishi mumkin?"La Vanguardia" tarqatgan xabarga ko'ra, ko'p ehtimol bilan jamoaga nisbatan jarima chorasi qo'llaniladi. Huquqshunoslar hozirda shunday taxminni ilgari surishmoqda. Ammo "Barsa" quyi divizionga badarg'a qilinishi ham mumkin. Bundan tashqari, klub yuridik shaxs sifatida tarqatib yuborilish ehtimoli ham yo'q emas. «Barsa» Negreyra yordamida o'ziga kerakli hakamlarni o'yinga tayinlanishiga erishish uchun pul to'langani isbotlansagina, klubga nisbatan jazo qo'llaniladi. Boshqa holatda ish yopiladi. "Barselona"ning sobiq prezidentlari Bartomeu va Roselni esa korruptsiya uchun 6 oydan 4 yilgacha hamda noxolis boshqaruv uchun esa 6 oydan 3 yilgacha qamoq jazosi kutayotgan bo'lishi mumkin.