"Barselona" himoyachisi Ronald Arauxoning jarohati jiddiy bo'lib chiqmadi. Urugvaylik futbolchi Ispaniya chempionati doirasidagi "Real"ga qarshi kechagi o'yinda biroz noqulaylik sezdi. Biroq, jurnalist Adria Albetsga ko'ra, Arauxo haqida tashvishlanishga hojat yo'q.

Manbaga ko'ra, "Barselona" shifokorlari shunchaki Ronaldga bir necha kun dam olishni maslahat berishgan. Shuningdek, futbolchining Urugvay terma jamoasining Yaponiya va Janubiy Koreyaga qarshi o'yinida ishtirok etishini ham istamagan.

Eslatib o'tamiz, "Barselona" kecha "Real"ni 2:1 hisobida mag'lub etdi.