"Real" bosh murabbiyi Karlo Anchelottining kelajagi jamoaning kubok bahslaridagi o'yiniga bog'liq.

Madridliklar rahbariyati La Ligada "Barselona"dan 12 ochkolik farqni qaytarib olish deyarli imkonsizligini tushunadi va shuning uchun italiyalik murabbiydan Ispaniya kubogi va Chempionlar ligasida muvaffaqiyat qozonishini talab qilmoqda.

Qayd etilishicha, har ikkala turnir finaliga chiqish Anchelottini iste'fodan qutqarishi mumkin. Ammo buning uchun "Real" Ispaniya kubogi yarim finalida "Barselona" to'sig'idan o'tishi kerak, Chempionlar Ligasida esa avvaliga "Chelsi"ni, keyin esa "Manchester Siti" - "Bavariya" juftligi g'olibi bilan bellashishi kerak.