Frantsiyaning «Lion» klubi prezidenti Jan-Mishel Olya 2009 yildan buyon «Real»da to'p tepayotgan hujumchi Karim Benzemani jamoaga qaytarishni orzu qilishini aytdi.

«Men Benzemaning qaytishini orzu qilaman, lekin buni amalga oshirish juda qiyin. Agar eng kichik imkoniyat bo'lsa, barcha xavf-xatarlarga qaramay, biz uni qabul qilamiz.

U «Lion»ning ramzi. «Barselona» bilan o'yinda Karim juda yaxshi ko'rindi», - dedi Olya Madrid Xtraga bergan intervyusida.

Mavsum oxirida Benzemaning «Real» bilan shartnomasi tugaydi, ammo tomonlar hamkorlikni uzaytirishlari mumkin. Karim joriy mavsum La Ligada 11 ta gol urdi.