Kataloniyalik "Barselona" klubi futbolchisi Rafinya Dias Angliya Premer-ligasiga qaytishi mumkin. Bu haqda jurnalist Saymon Fillips xabar berdi.

Insayder xabariga ko'ra, "Chelsi" braziliyalik futbolchini o'z safiga qo'shib olmoqchi. "Ko'klar" o'tgan yozda 26 yoshli janubiy amerikalik futbolchini sotib olmoqchi bo'lgandi, ammo futbolchi kataloniyaliklar safida qolgandi.

Rafinya joriy mavsumda “Barselona” safida 38 ta o'yinda maydonga tushib, 9 ta gol urdi va 9 ta golli uzatmani amalga oshirdi. Uning transfer narxi 50 million evro.