Kataloniyaning "Barselona" klubi maoshlarni qisqartirish ustida ishlamoqda.

AS nashri xabariga ko'ra, "ko'k-anorranglilar" rahbariyati endi chap qanot himoyachisi Jordi Albani maoshini kamaytirishga harakat qilmoqda.

"Barselona" Albaga, agar u jamoada qolishni istasa, maoshini kamaytirishi kerakligini aytgan. Klub Jordi murosaga keladi va vaziyatga tushunish bilan yondashadi, deb umid qilmoqda.

Eslatib o'tamiz, "Barselona"ning maosh varaqasida Alba hozirda to'rtinchi o'rinda. Ispaniyalik himoyachi yiliga deyarli 21 million evro maosh oladi, bu jamoaning eng yaxshi to'purari Robert Levandovski bilan bir xil.