Marokash terma jamoasi va "Fiorentina" klubi yarim himoyachisi Sofyan Amrabatga qishki transfer oynasida bir vaqtning o'zida Evropaning bir qancha top-klublari qiziqish bildirgani ma'lum bo'ldi.

Futbolchining ukasi Nordin Amrabatning VoetbalPrimeur nashriga aytishicha, 26 yoshli yarim himoyachini "Manchester Yunayted", Kataloniyaning "Barselona" jamoasi va Londonning "Chelsi" klublari o'z safiga qo'shib olmoqchi bo'lgan. Ammo turli sabablarga ko'ra transfer amalga oshmay qoldi.

Amrabat 2020 yildan beri Florentsiya klubi safini himoya qilib kelmoqda. Joriy mavsumda marokashlik yarim himoyachi 37 ta jang o'tkazdi. Uning "binafsharanglilar" bilan shartnomasi 2024 yilning yoziga qadar mo'ljallangan.