Niderlandiya terma jamoasi bosh murabbiyi Ronald Kuman hujumchi Memfis Depay Gibraltarga qarshi o'yinda (3:0) jarohat olganini tasdiqladi. Eslatib o'tamiz, Depay 23-daqiqada hisobni ochgandi.

"Depay jarohat oldi, hammasi unchalik ijobiy emas. Aynan qanday jarohat? Men bu haqda hozircha bir narsa deya olmayman" - dedi Kuman matbuot anjumanida.

Eslatib o'tamiz, Depay joriy yilning yanvar oyidan buyon "Atletiko"da o'ynamoqda. Diego Simeone jamoasi tarkibida futbolchi Ispaniya chempionatining ettita uchrashuvida uchta gol urdi. Hujumchi "matraschilar"ga o'tishdan oldin "Barselona"da o'ynagan.