Antuan Grizmann La Liganing mart oyidagi eng yaxshi futbolchisi deb topildi.

«Atletiko» uchta o'yinda ham g'alaba qozondi (Sevilya, «Jirona» va «Valensiya»ga qarshi), frantsiyalik futbolchi ularda ikkita gol urdi va golli uzatma ham berdi. Forvard Ispaniyadagi o'yinlari davomida ettinchi marta bu mukofotga ega chiqdi.

Shuningdek, Enes Unal («Xetafe»), Rafinya Dias («Barselona»), Yago Aspas («Selta»), Semyuel Chukvueze («Vilyarreal»), Borxa Iglesias («Betis») hamda David Silva («Sosedad») ham sovrinli o'rinlarni egallashdi.