«Real» bosh murabbiyi Karlo Anchelotti Ispaniya kubogi yarim final bosqichi doirasida «Barselona»ga qarshi o'yindan keyin jamoa futbolchilariga dam olish kuni deb e'lon qildi. «Avvalo sizlarni g'alaba bilan tabriklashni istayman. Bugungi o'yinimiz bilan faxrlanaman. Zaxira o'rindig'ida o'tirgan holda bu o'yinni tomosha qilish — men uchun va biz bilan birga ishlayotgan barcha uchun faxr.Men sizlarni yolg'on gapirgandim. Bu final emas, yarim final edi. Biz hali finalda o'ynashimiz kerak. Shuningdek, ertaga — barcha uchun dam olish kuni!» – deya e'lon qildi Anchelotti kiyinish xonasida.