"Barselona" bosh murabbiyi Xavi Ernandes klub bilan shartnomasini uzaytirishi mumkin.

Kataloniya giganti rahbariyati mutaxassis ishidan qoniqish hosil qilmoqda, bu haqda avvalroq Joan Laporta xabar bergan edi.

Yangi shartnoma bo'yicha muzokaralar mavsum oralig'iga rejalashtirilgan, ammo hozirda "Barselona" Xaviga rasman yangi shartnoma taklif qildi, deb xabar beradi jurnalist Luis Roxo. Shartnoma 2026 yilga qadar amal qiladi, amaldagisi esa kelasi yozda tugaydi.

Xavi boshchiligida "Barselona" Ispaniya Superkubogini qo'lga kiritdi, shuningdek, La Liganing joriy mavsumida ham g'alaba qozonishga yaqin turibdi - ular "Real"dan 13 ochko oldinda.