"Chelsi" "Barselona" vingeri Rafinya Diasni o'z safiga qo'shib olmoqchi. Sport nashri xabariga ko'ra, "ko'klar" braziliyalik futbolchiga qiziqish bildirishgan.

Rafinya bu mavsumda "Barselona"da unchalik taassurot qoldirmayapti, kataloniyaliklar o'tgan yozda uni sotib olish uchun "Lids"ga 58 million evro to'lagan. Moliyaviy feyr-pley va ish haqi bilan bog'liq vaziyatni yumshatish uchun futbolchi mavsum oxirida sotilishi mumkin.

Eslatib o'tamiz, "Barselona"ga o'tishdan oldin Rafinya "Chelsi"ga o'tishga juda yaqin edi. London jamoasi "Lids" bilan kelishuvning barcha shartlarini kelishib olgandi, biroq futbolchining o'zi o'tishni rad etdi va "Barselona" bilan variantni afzal ko'rdi.