Himoyachi Inigo Martines "Atletik"dan "Barselona"ga o'tadi. Relevo xabariga ko'ra, 31 yoshli futbolchi allaqachon tibbiy ko'rikdan o'tgan va Kataloniya klubi bilan keyingi ikki mavsum uchun shartnoma imzolagan.

"Barselona" Martinesni tekinga oladi, chunki uning "Atletik" bilan amaldagi shartnomasi iyun oyi oxirigacha amal qiladi.

Inigo Martines "Atletik"da 2018 yilning yanvar oyi oxiridan beri o'ynamoqda. O'shandan beri himoyachi 175 ta o'yin o'tkazib, 8 ta gol urgan va sheriklariga 7 ta golli uzatma bergan.