Dani Alves o'z vaqtida sud binosiga kela olmadi.

Eslatib o'tamiz, "Barselona" va Braziliya terma jamoasining sobiq himoyachisi yanvar oyidan beri tungi klubda bir qizni zo'rlaganlikda ayblanib, hibsda saqlanmoqda. Unga 12 yilgacha qamoq jazosi berilishi mumkin.

Alves ish yuzasidan yana guvohlik berish uchun bugun ertalab mahalliy vaqt bilan soat 10:30 da sudga kelishi kerak edi. Uni boshqa mahbuslar bilan birga olib kelishlari kerak edi.

Biroq futbolchi sud majlisiga kelmagani ma'lum bo'ldi. "El programa de Ana Rosa" boshlovchisi Mayka Navarro futbolchining yo'qligi sabablarini tushuntirib berdi.

"Biroz noaniqlikdan so'ng, jabrlanuvchining advokati Ester Garsiya mahkamadan ozod etishni so'rab yuborgan xatda xato bo'lganligi sababli sud majlisi qoldirilganini tasdiqladi va bu Alvesning bu erga roppa-rosa 10:30 da etib kelishiga to'sqinlik qilgan.

Bizga bu chalkashlik allaqachon bartaraf etilgani va taxminan bir soatdan so'ng braziliyalik futbolchi o'z xohishi bilan guvohlik berish uchun shu erda bo'lishini aytishgandi" - dedi Navarro.

Hozircha futbolchi sodir bo'lgan voqeaning to'rt xil versiyasini taqdim etib, oxirgi marta jabrlanuvchi bilan jinsiy aloqada bo'lganini tasdiqladi. Bungacha Alves zo'rlash bo'yicha uch marta turli ko'rsatmalar bergan.