Kataloniyaning "Barselona" va Milanning "Inter" klublari o'yinchi almashishni rejalashtirgan, bu haqda Todofichajes nashri xabar bermoqda.

Manbaga ko'ra, "neradzurrilar" yarim himoyachisi Marselo Brozovich "ko'k-anorranglilar" safiga o'tishi mumkin. Buning evaziga kataloniyaliklar ivuarlik yarim himoyachi Frenk Kesseni berishlari mumkin. Agar tomonlar barcha tafsilotlarni kelishib olishsa, kelishuv yozgi transfer oynasida amalga oshiriladi.

Brozovichning "Inter" bilan shartnomasi 2026 yilning o'rtalariga qadar tuzilgan. Uning transfer narxi 28 million evroga baholanmoqda.

Kessening "Barselona" bilan shartnomasi 2026 yilning yoziga qadar tuzilgan. Uning narxi 28 million evroni tashkil qiladi.