"Barselona" futbolchisi Usmon Dembele La Liganing navbatdagi turida "Atletiko"ga qarshi bo'lib o'tadigan o'yinda maydonga tusha olmaydi.

Insayder Xavi Migelning fikricha, frantsiyalik futbolchining maydonga qaytishiga hali erta. Bu fikrga "Barselona" murabbiylar shtabi ham qo'shiladi.

Avvalroq Dembele "Atletiko" bilan o'yinda hech bo'lmaganda zaxiradan maydonga tushishi mumkinligi haqida mish-mishlar tarqalgan edi, biroq manba bu ma'lumotni inkor etmoqda. Eslatib o'tamiz, Usmon jarohati tufayli deyarli ikki oyni o'tkazib yubordi.

Ammo "Atletiko" bilan o'yinda "Barselona"ning jarohatidan forig' bo'lgan boshqa futbolchilari albatta maydonga tushishadi. Gap yarim himoyachilar Pedri va Frenki de Yong haqida ketmoqda.