Mashhur sobiq murabbiy Visente del Boske "Real"ning hozirgi bosh murabbiyi Xabi Alonsoning faoliyati haqida gapirdi.

43 yoshli mutaxassis joriy yilning iyun oyida Karlo Anchelotti o'rniga "qaymoqranglilar" boshqaruviga kelgandi.

"Alonso "Real"da ajoyib ishlarni amalga oshirmoqda, ammo ba'zida murabbiy o'z fikrlarini omma oldida aytmasligi kerak. U bunday ochiq gapirmasligi kerak," - deya del Boskening so'zlarini keltiradi ispan OAV.

"Real" La Liga 8-turidan keyin turnir jadvalida peshqadamlik qilmoqda va "Barselona"ni 2 ochkoga ortda qoldirmoqda. Yakshanba kuni Xabi Alonso jamoasi "Xetafe" mehmoni bo'ladi.