"Real Madrid" bosh murabbiyi Karlo Anchelotti kelasi mavsumda o'z ishini saqlab qolish-qolmasligini hozircha bilmaydi.

Eslatib o'tamiz, avvalroq italiyalik murabbiyning shartnoma muddati tugashiga bir yil qolganida iste'foga chiqarilishi mumkinligi haqida xabarlar tarqalgan edi.

Jurnalist Mario Kortexananing xabar berishicha, Anchelotti va uning murabbiylar shtabi kelasi mavsumda klubda qolish-qolmasligini hali tushunmayapti. Italiyalik mutaxassis avvalroq Braziliya terma jamoasi bilan faol muzokara olib borgan. "Qirollik klubi"dan chetlatilgan taqdirda Karlo "pentakampeonlar"ning bosh lavozimini egallashi ehtimoli katta.

Eslatib o'tamiz, Anchelotti boshchiligidagi "Real Madrid" ayni damda Chempionlar ligasi va Ispaniya kubogida g'oliblik uchun kurashmoqda. Jamoa chempionat yakuniga 9 tur qolganida “Barselona”dan 11 ochko ortda qolmoqda.