Lionel Messi "Barselona"ga qaytishi mumkin va u "Negreyra ishi"ni kuzatib bormoqda.

35 yoshli argentinalik futbolchi Chempionlar ligasida o'ynashni istaydi, shuning uchun u uchun "Barselona"ning ushbu turnirda ishtirok etishi muhim. Bu borada u ishning borishini diqqat bilan kuzatib bormoqda.

Kataloniya prezidenti Joan Laporta va UEFA rahbari Aleksander Cheferinning pozitsiyalari yaqinlashdi va Barselonada hech qanday jazo bo'lmaydi, degan optimist fikr bor, ammo bu kafolatlanmagan.

Eslatib o'tamiz, Kataloniya prokuraturasi klub va uning sobiq prezidentlari Xosep Bartomeu va Sandro Roselga qarshi Ispaniya texnik hakamlar qo'mitasi sobiq vitse-prezidenti Xose Mariya Enrikes Negreyraga to'lovlar bo'yicha korruptsiya bo'lishi mumkinligi bo'yicha ish ochgan edi.

"Barselona" 2001 yildan 2018 yilgacha klubdan 7,3 million evro olgan Negreyra tomonidan tayyorlangan hakamlar hisoboti uchun pul to'laganini da'vo qildi. UEFA bu yozda "Barselona"ni jazolamasligi va sud qarorini kutishi xabar qilingandi.

Messi faoliyatini "Inter Mayami"da ham, unga 400 million evro taklif qilishga tayyor bo'lgan Saudiya Arabistonida ham emas, balki Evropada davom ettirish variantini afzal ko'radi.

"PSJ" hujumchi bilan shartnomani uzaytirmoqchi, "Barselona" esa Leoni qaytarish istagini oshkora bildirgan, biroq hozircha unga taklif bilan chiqmagan.