"Barselona" bosh murabbiyi Xavi jarohat olgan futbolchilarning qaytish muddati haqida gapirdi. Gap hujumchi Usmon Dembele va himoyachi Andreas Kristensen haqida ketmoqda.

“Dembele keyingi hafta o'ynashga tayyor bo'ladi. Kristensen ham deyarli tuzalib ketdi”, - deya Xavi so'zlarini keltiradi Marca.

25 yoshli Usmon Dembele 2023 yil 1 fevraldan beri maydonga tushmayapti. Frantsiyalik hujumchi jarohati tufayli 15 ta o'yinni o'tkazib yubordi. Joriy mavsumda u 28 o'yinda 8 gol va 7 golga assistentlik qildi.

27 yoshli Kristensen jarohati sabab “Barselona” safida 12 ta o'yinni o'tkazib yubordi.