Jijantes FC nashri xabariga ko'ra, "PSJ" hujumchisi Lionel Messi va "Barselona" futbolchilari Jordi Alba va Serji Buskets Barselonadagi restoranlardan birida birga kechki ovqat qilishgan.

Manbaning yozishicha, Buskets yangi shartnoma imzolashga qaror qilishdan oldin Messining Kataloniya klubiga qaytish niyati haqida bilmoqchi bo'lgan.

Avvalroq “Barselona” futbolchini qo'lga kiritish uchun Messiga soliqlar oldidan yiliga ko'pi bilan 25 million taklif qilishi mumkinligi, moliyaviy feyr-pley talablaridan kelib chiqib, klub unga ko'proq maosh bera olmasligi haqida avvalroq xabar berilgan edi.

Eslatib o'tamiz, Messi kataloniyaliklar safida 2005 yildan 2021 yilgacha o'ynagan. O'tgan yilning yozida argentinalik futbolchi erkin agent sifatida "PSJ"ga o'tgandi. Uning parijliklar bilan shartnomasi iyun oyida yakuniga etadi.