"Barselona" Usmon Dembelening agenti Mussa Sissokodan keyingi haftada klub bilan uchrashishni so'radi, deb xabar beradi Mundo Deportivo.

Kataloniyaliklar 2024 yilda tugaydigan shartnomani uzaytirish bo'yicha shoshilinch muzokaralar olib bormoqchi.

Dembelening o'zi klubda juda xursand va qolishni istaydi, ammo shartnoma bo'yicha muzokaralar yozgacha cho'zilishi ehtimoli bor.

Klub iyul oyida Dembelening shartnomasidagi tovon puli 50 million evroga tushishidan avval vinger bilan yangi shartnoma imzolamoqchi.

"Barsa" o'tgan yozda Dembelening agenti Sissoko bilan muammolarga duch kelgan, ammo frantsiyalik futbolchi agentga uni manipulyatsiya qilish kerak emasligini tushuntirgan.